الغرض من السؤال ده هو انك توضح بشكل مختصر "ليه انت انسب شخص للوظيفة".
وانت ممكن تعمل ده لو اتكلمت عن 5 نقط كالاتى:
1- خبراتك:--------
- اذكر وظيفتك الحالية وشركتك لو بتشتغل.
- وضح الوظائف السابقة اللى اشتغلتها واللى ليها علاقة بالوظيفة اللى انت بتقدم عليها,
- اعرض الانجازات اللى عملتها اثناء شغلك زى مشاريع اشتغلت فيها, او اهداف حققتها.
2- تعليمك:------
- اتكلم عن دراستك وسنة تخرجك او فى سنة كام لو لسة بتدرس.
- وضح الكورسات او الشهادات اللى اخدتها واللى "تعتبر مهمة جداا للوظيفة.
بعيدا عن كورسات "اللغة - التنمية البشرية - مهارات سوق العمل"
- اتكلم عن خبراتك التطوعية وازاى اكتسبت منها مهارات او اثرت فى شخصيتك.
3- مهاراتك:-------
- اتكلم عن اقوى 3 او 4 مهارات عندك مرتبطة بالوظيفة.
- وضح ازاى حصلت على المهارات دى لو اتسئلت عليها.
- حضر موقف يثبت المهارة دى عندك وازاى استخدمتها لحل مشكلة, فى حالة اتسئلت.
4- مستقبلك المهنى:------
- اتكلم عن هدف نفسك تحققه فى حياتك المهنية زى منصب مهم نفسك توصله مثلا,
- متذكرش اهداف شخصية زى انك تتجوز او تحج مثلا وركز على الاهداف المهنية.
- حضر Plan لتحقيق الهدف ده وهتوصله ازاى "لان ممكن يسألك على خطتك لتحقيقه"
5- ليه قدمت على الوظيفة:------
- وضح ازاى الشركة والوظيفة اللى انت مقدم عليها هتساعدك فى تحقيق هدفك.
- اذكر بعض المزايا اللى موجودة فى الشركة افضل من المنافسين زى التعليم او الخبرة.
ملاحظات اخيرة:
- حاول توضح ال 5 نقاط دول فى مدة لا تزيد عن دقيقتين, واتمرن عليهم كويس قبلها.
- حاول تغير وتعدل فى طريقة تقديمك لنفسك على حسب كل وظيفة وشركة بتقدملها.
- متذكرش اى معلومات شخصية عنك زى:
"حالتك الاجتماعية - معلومات عن اسرتك - ارائك السياسية"
اكثر من 80% من ال HR بيكونوا رأيهم عنك فى اول 60 ثانية من بداية ال Interview,
ومن اهم الاسئلة اللى هتخليك تبنى انطباع كويس هو سؤال "قدم نفسك؟!"
قولنا ايه اصعب اسئلة بتقابلك فى ال Interviews وهنقولك ازاى تجاوب عليها.
