- صاحبك لو إتريق عليك إديله فى وشه و كمل كلامك اللى بتقوله .. زى ما فى إنجليزى باللكنة الإيطالى و الفرنساوى .. فى برضوه إنجليزى بالمصرى و لا إحنا لما نسمع الإنجليزى من الهنود و الأتراك بنقول واااااو ! .
- إوعى تفتكر إنك لما هتاخد كورسات فى شهر و لا شهرين بس يبقى إنتا كده إتعلمت اللغة !!! .
- لازم تشوف مصادر كويسة عشان نتعلم منها : زى الكتب او افلام أو فيديوهات لناس كويسة بتتكلم عن اللغة و تشوف طريقة النطق بتاعته .
- كنت باخد عند مدرس إنجليزى فى الثانوى ، قالى علشان أتعلم كل حاجة فى اللغة ، كنت بحط علب الدوا قدامى و أكتب الكلمات اللى بالإنجليزى فى كشكول صغير و أدور على ترجمة الكلمات دى .. يعنى حاول تجمع أكبر قدر من الكلمات .
- و ده The Mixxer :
http://www.language-exchanges.org
هو موقع بيسمحلك بإنك تتصل بناس على السكايبي و تتبادلوا لغة مع بعض يعنى هو عاوز يتعلم عربى و انتا عاوز تتعلم ألمانى و فى مواقع غيره كتير لتبادل اللغة ، دور و هتلاقى .
- حاوط نفسك باللغة الجديدة اللى عاوز تتعلمها هتفتح التلفزيون هات قنوات فيها اللغة دى أو لو هتقرأ كتاب هاته باللغة دى و معاك القاموس بقى جمبك
و لو حاوطت نفسك باللغة هتجبر عقلك انه يتعلمها بسرعة .
- حاول تتعرف على ناس بيتكلم اللغة دى أو دور على الفيسبوك علي حد بيعرف اللغة دى او من البلد بتاعتها او روح عند السفارات و إسال عن تعليم اللغة و إتعرف على ناس من هناك .. المهم إنك تتحرك .
- دول شوية حاجات بقا نعملهم كل يوم واحنا بنتعلم اللغة عشان نتقنها صح وقولتهم فى بوست قبل كده ..
إسمع كل يوم مختلف مصادر اللغة دى سواء قنوات تلفزيونية او اذاعات او افلام ..كلمات .. اغانى .. أى حاجة .
- لازم تتدرب على المحادثات كل يوم سواء لوحدك او مع حد بيتعلم معاك او بيعلمك .. و حاول انك تقرأ فى اللغة اللى عاوز تتعلمها ولو مش بتحب القراءة قوى اقرأ قصص صغيرة ولا قصص كارتون حتة مش عيب .
- خلى معاك أبليكيشن على موبايلك
عشان فى المواصلات .. أو الأفلام و الماتشات المملة .
و ده كويس جدا
: https://play.google.com/store/apps/details…
فى ابلكيشن اسمها Busuu دى فيها كام لغة حلوين كده ..
وفى واحدة اسمها mango languages جميلة بردو وهتفيدكم فى كذا لغة وفى تانى كتير بس انا ماعرفهمش ..
وفى ابلكيشن اسمها Qamusee ده قاموس للموبايلات .
إعملوا شير و منشن لصحابكم .
ليست هناك تعليقات:
إرسال تعليق